Umushumba wa Kiliziya Gatolika Yashimangiye Umabare Umuntu Agomba Gushyingiranwa na Bo_Iteka Rya Papa Léon XVI
Iteka rya Papa Léon XIV risaba Abakirisitu barenga miliyari 1.4 kubaho mu gushyingiranwa kudasangizwa abandi no kwirinda ibikorwa byo gucana inyuma
Mu itangazo ryashyizwe hanze n’ibiro bya Vatican bishinzwe inyigisho z’ukwemera, Umushumba wa Kiliziya Gatolika ku Isi yibukije abakirisitu ko urushako rutagomba gushingira ku mubare munini w’abantu, ahubwo ko umuntu umwe ahagije kugira ngo habeho umubano w’iteka. Iri teka rishya rya Papa Léon XIV risaba Abakirisitu Gatolika bose gushaka umugabo cyangwa umugore umwe bakabana ubuziraherezo, ndetse bakirinda imibonano mpuzabitsina irenze iy’abashyingiranywe.
Iri teka ryibanda cyane kuri gakondo y’urushako rwanditse neza mu mategeko ya Kiliziya, ryerekana ko ugushyingiranwa nyakuri ari ukwihuza kw’abantu babiri biyemeza kutazigera basangira uwo mubano n’abandi. Rivuga ko uburenganzira n’agaciro by’ababana bashakanye bikwiye kubahwa kandi bikarindwa, bityo hakirindwa kwivanga ku wundi muntu uwo ari we wese.
Iyi ngingo yo gushyingiranwa ni imwe mu byaganiriweho mu nama za Vatican zabaye mu 2023 na 2024, ubwo Papa Francis witabye Imana yari akiri mu buyobozi bwa Kiliziya. Izo nama zahuje abayobozi batandukanye baganira ku ishusho n’ahazaza h’urushako muri Kiliziya Gatolika.
Mu bihugu bimwe bya Afurika, gukunda gushaka abagore barenze umwe ni umuco umaze imyaka myinshi. Gusa iri teka rya Papa Léon XIV rivuga ko iyo myumvire itari yo, kuko abantu bumva ko byakomeza umubano wabo nyamara ari ukwibeshya no kudasobanukirwa ishingiro ry’urushako.
Nubwo iri teka ryavuze byinshi ku miterere y’ugushyingiranwa, ntirivuga kuri gatanya, ijambo Kiliziya Gatolika idashyigikira kuko yo ivuga ko isezerano ryo gushyingirwa rigomba kuba iry’iteka ryose.
