Umunsi nk’uyu mu mateka: Tariki ya 5 Gashyantare
Turi ku wa 5 Gashyantare 2026.
Uyu munsi abanya-Pakistan bawuhariye kujya bifatanya n’abatuye muri Kashimir mu rwego rwo gushaka uko iki gice cyakwiyomora ku Buhinde bukigenzura, kikaba igihugu cyigenga.
Ibi ni bimwe mu byaranze uyu munsi mu mateka
1988: Hashyizweho komite ku rwego rwa minisiteri ihuriweho n’u Rwanda na Uganda ngo yige ku kibazo cy’impunzi z’Abanyarwanda bari muri Uganda nubwo iyo komite nta gisubizo yigeze itanga.
1994: Cyprien Ntaryamira yabaye Perezida w’u (…)
Turi ku wa 5 Gashyantare 2026.
Uyu munsi abanya-Pakistan bawuhariye kujya bifatanya n’abatuye muri Kashimir mu rwego rwo gushaka uko iki gice cyakwiyomora ku Buhinde bukigenzura, kikaba igihugu cyigenga.
Ku munsi nk’uyu Kiliziya Gatulika irizihiza Mutagatifu Adelaide na Mutagatifu Agatha.
Ibi ni bimwe mu byaranze uyu munsi mu mateka
1988: Hashyizweho komite ku rwego rwa minisiteri ihuriweho n’u Rwanda na Uganda ngo yige ku kibazo cy’impunzi z’Abanyarwanda bari muri Uganda nubwo iyo komite nta gisubizo yigeze itanga.
1994: Cyprien Ntaryamira yabaye Perezida w’u Burundi.

2025: AFC/M23 yashyizeho abayobozi bashya bazayobora Intara ya Kivu y’Amajyaruguru n’Umujyi wa Goma iryo huriro ryari rimaze iminsi ryigaruriye.
Bahati Musanga Joseph yagizwe Guverineri wa Kivu y’Amajyaruguru, Manzi Ngarambe Willy agirwa Visi-Guverineri ushinzwe politiki, ubuyobozi, n’amategeko na ho Amani Bahati Shaddrak agirwa Visi Guverineri ushinzwe ubukungu, imari n’iterambere.
Madame Mukadisi Niragire Helène yagizwe Meya wa Goma, Abdoul Bikulu Crispin agirwa Meya wa Kalisimbi mu gihe Kulu Musubao Jean-Louis yagizwe Meya wa Kirumba.
1919: Umunyarwenya Charlie Chaplin afatanyije na bagenzi be barimo Douglas Fairbanks, batangije inzu itunganya filimi izwi nka “United Artists.”
1962: Charles de Gaulle wari Perezida w’u Bufaransa yatangaje ko igihugu cye kigomba guha uburenganzira Algeria ikigenga.
2008: Inkubi y’umuyaga yahitanye abantu 57 muri Leta Zunze Ubumwe za Amerika.
Mu muziki
2023: Beyoncé yatsindiye ibihembo bine bya Grammy, aca agahigo ko kuba uwatsindiye ibyo bihembo byinshi kuko icyo gihe yahise agira 32.

Abavutse
1980: Tiwa Savage, umuhanzikazi ukomoka muri Nigeria.

1984: Carlos Tevez wamenyekanye mu makipe nka Manchester City na Manchester United zo mu Bwongereza ndetse na Juventus yo mu Butaliyani.

1985: Cristiano Ronaldo, Ikirangirire mu mupira w’amaguru aho uyu munya-Portugal akinira Al Nassr yo muri Arabie Saoudite. Uyu munsi yujuje imyaka 40 y’amavuko.

1992: Neymar da Silva Santos Júnior, Umunya-Brésil wamenyekanye mu makipe nka Barcelone na Paris Saint-Germain mu gihe ubu akinira ikipe yakuriyemo ya Santos FC.

Abapfuye
2005: Gnassingbé Eyadema, wabaye Perezida wa Togo guhera mu 1967.
