Ev. Nyirapasika n’amakorali akomeye mu gitaramo kidasanzwe “Heart of Worship” cyateguwe na La Vie Éternelle Ministry
2 mins read

Ev. Nyirapasika n’amakorali akomeye mu gitaramo kidasanzwe “Heart of Worship” cyateguwe na La Vie Éternelle Ministry

Ministère La Vie Éternelle yatangaje ku mugaragaro igitaramo gikomeye cyo kuramya no guhimbaza Imana cyiswe “Heart of Worship” giteganyijwe kubera i Kigali ku Cyumweru tariki ya 15 Gashyantare 2026. Iki gikorwa cyitezweho kuba umwanya wihariye wo kwegera Imana no kongera kwiyemeza kuyikorera mu kuri nkuko ijambo ry’Imana ribivuga.

Icyi gitaramo bavuga ko cyizahuza abizera baturutse hirya no hino mu gihugu.IgitaramoHeart of Worship kizabera muri AUEBR Kigali Parish, kikazatangira saa cyenda z’amanywa (3:00 PM) kirangire saa mbiri z’ijoro (8:00 PM). Abateguye iki gikorwa batangaje ko azaba ari umwanya wihariye w’amasengesho, indirimbo ziramya Imana, ndetse n’ubutumwa buzafasha benshi gukomera mu kwizera no gusubira ku rufatiro rwa nyawo rwo kuramya.

Igitaramo “Heart of Worship” kigiye guhuza abizera i Kigali mu bihe bikomeye byo kuramya Imana

Ubutumwa nyamukuru muri iki gitaramo buzagezwa ku bitabiriye n’Umuvugabutumwa (Ev.) Nyirapasika, umaze ku menyekana mu kubwiriza ijambo ry’Imana rifite imbaraga zo guhindura imitima no gukomeza abizera. Biteganyijwe ko ubutumwa bwe buzibanda ku gusubiza itorero ku nkingi z’ukuri zo kuramya Imana mu buzima bwa buri munsi.Ku ruhande rw’indirimbo, amatsinda akomeye azafasha abizera kwinjira mu mwuka wo kuramya arimo Cornerstone Choir, Injiri Bora, ndetse na Makerubi Ministry.

Aya matsinda yose azwiho kuririmba indirimbo zifite ubutumwa bukomeye, zifasha imitima ya benshi kwegera Imana no kuyihimbaza.Abateguye iki gitaramo bagaragaje ko Heart of Worship atari igitaramo gisanzwe, ahubwo ari urugendo rwo rugamije kugarura intego nyayo yo kuramya Imana, aho atari amagambo cyangwa umuziki gusa, ahubwo ari umutima wiyeguriye Imana by’ukuri.

“Heart of Worship”: Umwanya wo kongera gusubira ku ntego nyayo yo kuramya Imana

Basabye abakirisitu n’abakunda kuramya Imana kuzitabira ari benshi kugira ngo basangire ibi bihe byiza.Ministère La Vie Éternelle irahamagarira abantu bose bafite inyota yo kuramya Imana no kuyihimbaza mu bwisanzure kuzitabira iki gikorwa gikomeye. Heart of Worship azaba ari umwanya w’ihumure, gukomezwa no guhindurirwa imitima, bikazafasha benshi gusohoka bahindutse kandi biyemeje kubaho ubuzima bwo kuramya Imana mu kuri no mu rukundo.

Igitaramo “Heart of Worship” kigiye guhuza abizera i Kigali mu bihe bikomeye byo kuramya Imana
Igitaramo gikomeye cyateguwe na La Vie Éternelle Ministry kimwe mu bitaramo bihuriye mo abaramyi batandukanye kandi bakunzwe mu ntangiro ya 2026

Leave a Reply

Your email address will not be published. Required fields are marked *