Ben na Chance bagiye gukomereza ibihe byo kuramya i Burayi nyuma ya BK Arena
2 mins read

Ben na Chance bagiye gukomereza ibihe byo kuramya i Burayi nyuma ya BK Arena

Nyuma yo gukora igitaramo gikomeye cya Pasika kigiye kubera muri BK Arena, abaramyi Ben & Chance bazakomeza urugendo rwabo rwo kugeza ubutumwa bwiza ku rwego mpuzamahanga.

Iki gitaramo kizitabirwa n’abaramyi batandukanye barimo Papi Clever & Dorcas ndetse na Alicia na Germaine.Nyuma y’intsinzi y’icyo gikorwa, Ben & Chance batangaje ko bagiye bazahita bakomereza ibihe byo kuramya no guhimbaza Imana mu gitaramo mpuzamahanga cyiswe Gifted For His Glory Season 2.

Gifted For His Glory Season 2: Ben & Chance bagiye gutaramira i Brussels

Iki gitaramo kigiye kubera i Brussels, kikazahuza abakunzi ba gospel baturutse imihanda yose y’u Burayi.Muri iki gitaramo, Ben & Chance bazahuriramo n’umuramyi uzwi cyane Elysee Bigira, uzaba ari nawe uzayobora iki gikorwa.

Ben & Chance mu ntambwe nshya yo kugeza ubutumwa bwiza mu muhanga

Uru ruhurirane rw’abakozi b’Imana rutegerejweho gutanga ibihe byihariye byo kuramya no kwigisha ijambo ry’Imana.Iki gikorwa kiri gutegurwa ku bufatanye n’itsinda rya Zaburi Yanjye, rizwiho gutegura ibitaramo bigamije guteza imbere umuziki wo kuramya no guhimbaza Imana ku rwego mpuzamahanga. Abategura iki gitaramo batangaje ko intego ari ugukomeza gukwirakwiza ubutumwa bwiza mu bihugu bitandukanye.

Ben & Chance bakomeje kwagura ivugabutumwa ryabo ku rwego mpuzamahanga

Biteganyijwe ko iki gitaramo kizaba ku wa 9 Gicurasi 2026, kikazabera muri Salle Vifage i Brussels. Abazacyitabira bazaba bafite amahitamo y’amatike atandukanye, aho itike isanzwe igura €40 mu gihe iya VIP izagura €50, bityo buri wese akazabona uko yitabira bitewe n’ubushobozi bwe.

Ben & Chance bakomeje kwagura ivugabutumwa ryabo ku rwego mpuzamahanga

Iki gitaramo kitezweho kuzaba igikorwa gikomeye kizongera guhuza abakunzi ba gospel, cyane cyane abatuye i Burayi, mu bihe byo kuramya no guhimbaza Imana. Ni indi ntambwe ikomeye kuri Ben & Chance mu gukomeza kugeza ubutumwa bwabo ku rwego mpuzamahanga no guhagararira neza umuziki wa gospel w’u Rwanda.

Igitaramo mpuzamahanga kigiye guhuza Ben & Chance na Elysee Bigira

Ben umwanditsi w’indirimbo zakunzwe cyane

Leave a Reply

Your email address will not be published. Required fields are marked *