Umuyoboro 25 Years: Abaramyi bo mu Rwanda no mu Burundi bagiye guhurira mu gitaramo cya Alexis Dusabe
Igitaramo “Umuyoboro 25 Years Concert” cya Alexis Dusabe gikomeje gufata indi ntera, nyuma yo gutangaza ko abaramyi bakomeye muri Afurika y’Iburasirazuba, Bosco Nshuti wo mu Rwanda na Pastor Lopez Nininahazwe wo mu Burundi, bazifatanya na we muri iki gitaramo cy’amateka. Iki gitaramo kizabera KCEV – Camp Kigali, ku wa 14 Ukuboza 2025, kikazatangira Saa kumi n’ebyiri z’umugoroba.
Pastor Lopez Nininahazwe, uzwi nk’umushumba, umuramyi n’umwanditsi w’indirimbo zubaka ukwizera, azaba ari umwe mu bazageza ubutumwa ukomeye bwo Kwizera kubazitabira iki gitaramo. Azwi cyane mu ndirimbo nka “Imana y’Akandi Karyo”, “Birampagije”na “Ntibesha”, ndetse ni umwe mu baramyi bafite izina rikomeye mu Burundi no mu karere kubera ubutumwa bwe bwimbitse mu ijambo ry’Imana.
Ku rundi ruhande,Bosco Nshuti ni umwe mu baramyi bakunzwe cyane muri gospel yo mu Rwanda, azwi mu ndirimbo nyinshi nka “Ibyo Ntunze, “Ni Muri Yesu”, “Nakwitura Iki” na “Ndashima”. Uyu muramyi aherutse kwizihiza imyaka amaze mu mu muziki binyuze mu gitaramo “Unconditional Love Season 2”, aho yanamuritse album Guha ikaze Bosco Nshuti na Pastor Lopez bizaha iki igitaramo isura nshya, kuko bombi bafite inyota yo ubutumwa bw’Ubwami bw’Imana ku mitima y’abitabira.

Igitaramo cya Alexis Dusabe gikomeye kurusha uko byari byitezwe: Bosco Nshuti na Pastor Lopez batumiwe
Alexis Dusabe yavuze ko yahisemo kubatumira kubera “ubumwe bw’umurimo n’ubushake bwo gukorera Imana mu kuri”, ndetse ko yifuza ko iki gitaramo kiba igicaniro cy’ububyutse.Igitaramo “Umuyoboro 25 Years Concert” ni kimwe mu bikorwa bikomeye Alexis Dusabe yateguye mu rwego rwo kwizihiza imyaka 25 akorera Imana binyuze mu muziki.

Umuyoboro 25 Years”: Alexis Dusabe yazanye abaramyi bakomeye Bosco Nshuti na Pastor Lopez
Alex umaze imyaka myinshi azirikana ku ndirimbo zubatse ubuzima bw’abakristo, by’umwihariko “Umuyoboro” yatanze izina kuri iki gitaramo.Abategura igitaramo batangaje ko kwinjira ari 5,000 Frw (Classic), 10,000 Frw (Silver), 20,000 Frw (Gold) na 25,000 Frw (Premium) Biteganyijwe ko abantu baturutse mu bice bitandukanye by’igihugu ndetse no mu mahanga bazitabira iki giterane cy’amateka.
Alexis Dusabe yavuze ko intego y’iki gitaramo atari umuziki gusa, ahubwo ari “amahirwe yo gusubiza Imana icyubahiro no gufasha abantu kumenya ko Imana ikoresha abantu nk’imiyoboro yayo ku isi.” Yavuze ko yizeye ko kwifatanya n’abahanzi nka Bosco Nshuti na Pastor Lopez bizatuma iki gitaramo kiba urubuga rwo kuramya Imana ku rwego rwo hejuru kandi ruzahoraho mu mateka ya gospel nyarwanda.
Bosco Nshuti yongeye guhura n’abakunzi be mu gitaramo cy’amateka cya Alexis Dusabe


Igitaramo cy’imyaka 25 ya Alexis Dusabe gikomeje kuvugisha benshi nyuma yo kwiyongeramo abaramyi bakomeye

KCEV Camp Kigali kwitegura kwakira igitaramo gihuza ibyamamare: Dusabe, Bosco Ns
https://youtu.be/o9e33WBbg7Q?si=c6kO7XOjKNP5odN0
