Phil Wickham Gutaramira i Los Angeles Hakazafatirwa n’Amashusho y’Igitaramo Cya Noheli
Umuhanzi w’indirimbo zo kuramya no guhimbaza Imana, Phil Wickham, yatumiye abafana be mu nyubako ya Wiltern Theater ku wa 14 Ukuboza aho ari gutegura gufatira amashusho y’igitaramo cya Noheli.
Phil Wickham yatangaje ko ku wa 14 Ukuboza 2025 azafata amashusho y’igitaramo cya Noheli kizaba kibaye mu buryo bwa bw’imbona nkubone, kikazabera muri Wiltern Theater i Los Angeles. Iki gitaramo cyahawe izina “Hallelujah! It’s Christmas! with Phil Wickham and Friends” kizatangira saa moya z’ijoro, kikabera kuri 3790 Wilshire Blvd.
Uyu muhanzi wagurishije indirimbo mu buryo budasnzwe, akaba yarigeze no kugera ku rwego rwo guhatanira ibihembo bya Grammy Award, yemeje ko hazaba hari abashyitsi b’ingenzi ariko amazina yabo ntayayatangaje, akazatangazwa ku munsi nyirizina. Ati: “Iri ni ijoro rizaba ririmo ibyishimo byinshi cyane,” nk’uko yabitangaje ku mbuga nkoranyambaga.
Iyi nkuru itangajwe nyuma y’uko Phil Wickham amaze iminsi ashyize hanze album ye ya cumi yise “Indirimbo y’Abatagatifu” (Song of the Saints) ku wa 12 Nzeri 2025, yasohowe ku bufatanye na Fair Trade Services na Columbia Records. Iyi album ikaba yarakozwe na Jonathan Smith, Shane Becker na Micah Nichols, ikaba irimo indirimbo 16 harimo “The King Is In The Room” na “What An Awesome God”.
Vuba aha, Wickham yashyize hanze indirimbo nshya “Fear Has No Power” ku wa 21 Ukwakira 2025, inajyana n’amashusho arimo amagambo yayo. Amatike y’igitaramo cyo ku wa 14 Ukuboza ari kuboneka binyuze kuri TPR Live.
Reba indirimbo “What An Awesome God”
