Emeline Penzi na See Music bamaze kugirango igihango gikomeye mu rugendo rw'umuziki wo kuramya

Nuru wave festival

NURU WAVE Festival igiye guhuriza hamwe abakunzi b’umuziki wo kuramya no guhimbaza Imana i Kigali, Emeline Penzi na Victorious Team batumiwe nk’abashyitsi b’imena. Igitaramo cyateguwe na RevHeart Presents ku bufatanye na See Muzik, kikazabera muri Mundi Center ku wa 20 Nzeri 2026 guhera saa cyenda z’amanywa (3:00 PM).Iki gitaramo kizaba kigamije guhuza urubyiruko n’abakunzi b’umuziki wa Gospel mu bihe bidasanzwe byo kuramya Imana.Abategura

Abategura iki gitaramo batangaje ko NURU WAVE Festival izatanga umwanya wo guhimbaza Imana binyuze mu ndirimbo, ubutumwa ndetse n’ubusabane hagati y’abitabiriye.Mu bahanzi bazaririmba harimo umuhanzi Emeline Penzi, uzaba ari umwe mu bashyitsi b’imena b’iki gitaramo. Hazaba kandi hari Victorious Team, itsinda rizwi mu murimo wo kuramya no guhimbaza Imana, rikaba ritegerejweho gutanga ibihe by’umwihariko bizafasha abitabiriye kwegera Imana.

Emeline Penzi na Victorious Team bazitabira NURU WAVE Festival izaba mo ibihe bidasanzwe byo kuramya

Abifuza kuzitabira iki gitaramo basabwe kwihutira kugura amatike hakiri kare, kuko ibiciro byayo byashyizwe mu byiciro bitandukanye. Itike ya General Early Bird iri ku mafaranga y’u Rwanda ibihumbi 10 (10,000 Frw), mu gihe iya VIP Early Bird igura ibihumbi 20 (20,000 Frw). Nyuma y’icyo gihe, amatike azagurishwa ku bihumbi 15 (15,000 Frw) n’ibihumbi 25 (25,000 Frw) ku bazayagura ku munsi w’igitaramo.

Abategura iki gikorwa banashyizeho uburyo bworohereza abantu kubona amatike, aho ashobora kugurwa hifashishijwe kode ya telefoni *669*2191# cyangwa binyuze ku rubuga rwa nuruwave.sinc.events. Banatanze nomero ya telefoni +250 795 907 261 ku bakeneye ibisobanuro birambuye ku bijyanye n’iki gitaramo.Mu gihe imyiteguro ikomeje, NURU WAVE Festival iri kwitegurwa nk’imwe muri gahunda zikomeye zizahuza abakunzi b’umuziki wa Gospel muri Nzeri 2026.

Abategura iki gitaramo bafite icyizere ko iki gitaramo kizaba umwanya mwiza wo kuramya Imana, gushimangira ubumwe bw’abakristo no gusangira ubutumwa bwiza binyuze mu muziki.