Lakewood Music na Alexander Pappas Bashyize Hanze Indirimbo Nshya “Rejoice Again”
1 min read

Lakewood Music na Alexander Pappas Bashyize Hanze Indirimbo Nshya “Rejoice Again”

Indirimbo “Rejoice Again” yasohotse ku wa 7 Ugushyingo 2025, itanga ubutumwa bw’ibyishimo, ibyiringiro n’ubumwe, ikaba itangiza urugendo rwo kwamamaza album nshya ya Lakewood Music izasohoka mu ntangiriro za 2026.

Itsinda ryamamaye mu ndirimbo zo kuramya no guhimbaza Imana, Lakewood Music ryo mu itorero Lakewood Church ryo muri Houston, ryashyize hanze indirimbo nshya yise “Rejoice Again” ryakoranye n’umuhanzi w’Umunya-Australia Alexander Pappas, uzwi cyane mu itsinda Hillsong Young & Free ndetse n’indirimbo ze zagiye zigaragara ku rwego mpuzamahanga.

Iyi ndirimbo, yasohotse ku wa 7 Ugushyingo 2025, iboneka ku mbuga zose zicuruza umuziki kuri interineti, ikaba ari intangiriro y’ubutumwa bushya buzatangazwa muri album ya Lakewood Music iteganyijwe mu ntangiriro z’umwaka wa 2026.

Ubutumwa bukubiye muri “Rejoice Again” bugamije guhamagarira abantu bose kwishimira mu Mana, gushimira no guhimbaza mu bihe byose, haba mu byishimo cyangwa mu bigeragezo. Amagambo y’iyi ndirimbo aturuka ku ijwi ryuzuye urumuri rya Alexander Pappas, agaragaza intsinzi, ubuntu bushya bw’Imana ndetse n’ihuriro ry’umutima w’abantu mu gushima.

Mu mwaka wa 2025, Lakewood Music yageze ku rwego rukomeye, aho yarengeje abafana ibihumbi 100 ku mbuga zayo, indirimbo zayo nka Inhabit na Faithfulness zikaba zarakunzwe cyane mu matorero menshi ku isi. EP yabo Nothing Is Over, bakoranye na Alexander Pappas, yabaye indi ntambwe ikomeye mu rugendo rwabo rw’umuziki.

Lakewood Music yanahataniraga GMA Dove Award ku mushinga wayo wa “Habita” (mu rurimi rw’Icyesipanyolo) ndetse ikaba yarateguye ibitaramo bibiri bikomeye byo kuramya i Houston, byose bigamije gukomeza gukwirakwiza ubutumwa bwiza binyuze mu muziki.

Indirimbo “Rejoice Again iraboneka ubu ku mbuga zose zicuruza umuziki. Abakunzi bayo barasabwa gukomeza gukurikirana amakuru y’igihe album nshya ya Lakewood Music izasohokera, ndetse n’ibitaramo byayo bizakurikiraho.

Leave a Reply

Your email address will not be published. Required fields are marked *